Shërbimi i klientit për Suzuki Connect - Politika e plotë e privatësisë

Ne përpunojmë të dhënat personale të mëposhtme rreth jush për qëllimet e përcaktuara në këtë Njoftim të privatësisë, në mënyrë që të ofrojmë shërbimin e klientit dhe shërbimet e lidhura me të:

• Të dhënat e identifikimit personal: emri, i tillë si mbiemri dhe emri, që na jepni për qëllimet e shërbimit të klientit;
• Detajet e kontaktit: shteti i banimit, adresa e email-it që na jepni për qëllimet e shërbimit të klientit;
• Detajet e automjetit: numri i shasisë së automjetit;
  • Detajet e abonimit: ID-ja e kontratës;
• Përshkrimi i temës së pyetjes ose ankesës dhe i të gjitha bashkëngjitjeve përkatëse që na jepni për qëllimet e shërbimit të klientit.

Përpunimi i këtyre të dhënave është i nevojshëm për t'ju identifikuar, për t'ju kontaktuar dhe për t'ju ofruar shërbime përmes shërbimit tonë të klientit. Dhënia e këtyre informacioneve është me vullnet të lirë, por, pa ato, nuk do të mund t'ju ofrojmë shërbimin e klientit apo të trajtojmë ankesat ose kërkesat tuaja.

Të dhënat personale ose të gjitha të dhënat e tjera që na jepni, por për të cilat nuk jemi të autorizuar që ti përpunojmë (p.sh. të dhënat që nuk nevojiten për shërbimin e klientit), do të fshihen siç duhet. Në këtë rast, mund të mos arrijmë t'ju ofrojmë shërbimet tona përmes mbështetjes së klientit apo të trajtojmë ankesat ose kërkesat tuaja, por do t'ju njoftojmë për këtë fakt.

Në të gjitha rastet, të dhënat e përpunuara do të trajtohen në përputhje me parimet e nevojës për të ditur dhe minimizimit të të dhënave.

Duke iu përgjigjur pyetjeve ose kërkesave tuaja duke përpunuar pretendimet dhe ankesat tuaja, përpunimi është i nevojshëm për përmbushjen e kontratës midis jush dhe SUZUKI në zbatimit të nenit 6(1)(b) të Rregullores së Përgjithshme për Mbrojtjen e të Dhënave (GDPR) ("Baza ligjore kontraktuale").

Përpunimi është i domosdoshëm për interesat e ligjshme të SUZUKI në zbatim të nenit 6(1)(f) të GDPR-së ("Baza ligjore e interesit të ligjshëm") në lidhje me sjelljen, pohimin ose mbrojtjen e pretendimeve ligjore.

Për qëllimet e mëposhtme, ne përpunojmë kategoritë e mëposhtme të të dhënave personale mbi bazat e mëposhtme ligjore:

SUZUKI ka kryer një test të balancimit të interesave para përpunimit ku SUZUKI mbështetet në një interes të ligjshëm për përpunimin e të dhënave personale. Për zbatimin e balancimit të interesave, SUZUKI mori parasysh strukturën e tij të brendshme organizative, rregullat dhe kërkesat e brendshme të funksionimit, natyrën dhe qëllimin e shërbimeve të ofruara në lidhje me mbështetjen e klientit, fushën e zbatimit, natyrën dhe llojin e të dhënave personale të përpunuara gjatë ofrimit të shërbimeve, sasinë e parashikuar të të dhënave dhe numrin e parashikuar të subjekteve të të dhënave, si dhe ndikimin e përpunimit të parashikuar te të drejtat dhe liritë e subjekteve të të dhënave.

Në bazë të testeve të balancimit të interesave të kryera, SUZUKI është i mendimit se përpunimi i parashikuar nuk do të shkelë në mënyrë të shpërpjesëtuar të drejtat dhe liritë tuaja dhe, si rrjedhojë, SUZUKI do të mbështetet në interesat e tij të ligjshme për përpunimin.

Nëse keni pyetje për testin e balancës së interesit që kemi kryer, na kontaktoni në adresën privacy-contact-eu@suzuki.hu.

Pyetja juaj për shërbimin e klientit do të mbahet për 160 ditë pas mbylljes së pyetjes suaj.

Nëse kërkesa juaj përfshin një ankesë, ne do të mbajmë një kopje të ankesës dhe regjistrimin e ankesës, si dhe një kopje të përgjigjes sonë ndaj ankesës për tre vjet, në përputhje me nenin 17/A (7) të ligjit CLV të vitit 1997 për mbrojtjen e konsumatorit.

Të dhënat personale që lidhen me cilatdo pretendime në bazë të ligjit (civil) do të mbahen deri në fund të vitit të pestë, pasi periudha e kufizimit për pretendimet në bazë të ligjit (civil) është caktuar në përgjithësi për pesë vjet. Në rast se krijohen procese zyrtare ose ligjore në lidhje me shërbimet tona, ne mund të vazhdojmë t'i përpunojmë të dhënat tuaja personale gjatë gjithë kohëzgjatjes së këtyre proceseve deri në vendimin e tyre final.

Në të dhënat tuaja do të kenë të drejtë qasjeje punonjës specifikë të Departamentit të Shërbimeve të Lëvizshmërisë dhe të Departamentit Ligjor dhe të Respektimit të Rregullave brenda kompanisë SUZUKI.

Në rast të një raportimi defekti apo ankese teknike ose në lidhje me TI-në, nëse është e nevojshme për zgjidhjen dhe hetimin e raportimit, të dhënat e automjetit tuaj do të transferohen te kompania mëmë e SUZUKI, Suzuki Motor Corporation (http://www.globalsuzuki.com/corporate/index.html), dhe tek ofruesit e tjerë të shërbimeve të Suzuki Motor Corporation (Grupi IBM, Fujitsu, Lenovo).

SUZUKI përdor sisteme ose shërbime të TI-së të palëve të treta për të mbështetur proceset e tij të brendshme. Për qëllimet e sistemit ose shërbimit dhe në zbatim të një marrëveshjeje të përshtatshme të përpunimit të të dhënave midis SUZUKI dhe ofruesit të shërbimit, këta ofrues shërbimesh mund të kenë të drejtë qasjeje te të dhënat personale. Si rrjedhim, në të dhënat personale mund të kenë të drejtë qasjeje përpunuesit e mëposhtëm të të dhënave:

• Zendesk, Inc. (e inkorporuar sipas ligjeve të shtetit të Delaware dhe e regjistruar në regjistër me numrin 4661237) për shërbimet teknike të faqes së internetit.
• Unbabel (e inkorporuar sipas ligjeve të [*] dhe e regjistruar në regjistër me numrin [*]) që ofron shërbimet e përkthimit.

Ne i përpunojmë të dhënat tuaja personale në përputhje me ligjet hungareze dhe evropiane për mbrojtjen e të dhënave dhe i transferojmë të dhënat brenda Zonës Ekonomike Evropiane ("ZEE") dhe në shtete jashtë ZEE-së, duke përfshirë kompaninë mëmë të Suzuki, Suzuki Motor Corporation, në Japoni. Kur duhet t'i transferojmë të dhënat tuaja në një shtet jashtë ZEE-së, do ta bëjmë këtë në bazë të një vendimi të dakordësuar për mjaftueshmërinë nga Komisioni Evropian ose, për shembull, në bazë të një detyrimi kontraktual për të garantuar që një palë e tretë, e cila ka të drejtë qasjeje në të dhënat tuaja personale, t'ju ofrojë nivelin e mbrojtjes së të dhënave tuaja personale që është të paktën i barasvlershëm me atë që ju ofrohet brenda ZEE-së. Në mungesë të këtyre, ne do të vëmë në zbatim në të gjitha rastet masat e nevojshme mbrojtëse për të ruajtur sigurinë e të dhënave tuaja.

Një masë e tillë mbrojtëse është zbatimi i Klauzolave Kontraktuale Standarde, të cilat janë miratuar nga Komisioni Evropian dhe të cilat i kemi vënë edhe ne në zbatim dhe, për të cilat mund të gjeni më shumë informacione në lidhjen e mëposhtme:

https://ec.europa.eu/info/law/law-topic/data-protection/international-dimension-data-protection/standard-contractual-clauses-scc_hu

Nëse dëshironi një përshkrim të masave mbrojtëse që ofron SUZUKI në lidhje me të dhënat personale të transferuara jashtë ZEE-së ose nëse kërkoni më shumë informacione rreth tyre, na kontaktoni në privacy-contact-eu@suzuki.hu.

Ju keni të drejtat e mëposhtme në lidhje me përpunimin nga ne:

1. Të drejtën e qasjes: Ju keni të drejtën të merrni konfirmim nga ne nëse po përpunohen ose jo të dhënat personale në lidhje me ju, dhe, nëse po, të kërkoni të drejtën e qasjes tek të dhënat personale. Informacionet e qasjes përfshijnë, ndër të tjera, qëllimet e përpunimit, kategoritë e të dhënave personale përkatëse dhe marrësit ose kategoritë e marrësve te të cilët janë zbuluar ose do të zbulohen të dhënat personale. Ju keni të drejtën të merrni një kopje të të dhënave personale që po i nënshtrohen përpunimit. Nëse kërkoni kopje shtesë, mund të vendosim një tarifë të arsyeshme në bazë të shpenzimeve administrative.
2. Të drejtën e korrigjimit: Ju keni të drejtën të siguroni nga ne korrigjimin e të dhënave personale të pasakta që kanë lidhje me ju. Në varësi të qëllimeve të përpunimit, ju keni të drejtën që t'ju plotësohen të dhënat personale të paplotësuara, duke përfshirë, nëpërmjet dhënies së një deklarate shtesë.
3. Të drejtën e fshirjes (e drejta për t'u harruar): Ju keni të drejtën të na kërkoni që të fshijmë të dhënat tuaja personale dhe ne duhet ta respektojmë nëse plotësohen kërkesat ligjore për këtë kërkesë.
4. Të drejtën e kufizimit të përpunimit: Ju keni të drejtën të kërkoni kufizimin e përpunimit të të dhënave tuaja personale. Në këtë rast, të dhënat përkatëse do të shënohen dhe mund të përpunohen nga ne vetëm për qëllime të caktuara.
5. Të drejtën e transportueshmërisë: Ju keni të drejtën të merrni të dhënat personale në lidhje me ju, të cilat na i keni dhënë në një format të strukturuar, të përdorur zakonisht dhe që mund të lexohet nga kompjuteri, si dhe të drejtën t'i transmetoni ato të dhëna personale në një entitet tjetër pa asnjë pengesë nga ne.
6. Të drejtën për të kundërshtuar: Ju keni të drejtën të kundërshtoni në çdo moment, mbi motive që lidhen me situatën tuaj të veçantë, përpunimin e të dhënave tuaja personale nga ne dhe neve mund të na kërkohet që të mos i përpunojmë më tej të dhënat tuaja personale. Nëse keni të drejtë të kundërshtoni dhe e ushtroni këtë të drejtë, të dhënat tuaja personale nuk do të përpunohen më për këto qëllime nga ne. Ushtrimi i kësaj të drejte nuk do të shkaktojë asnjë shpenzim. Kjo e drejtë për të kundërshtuar mund të mos ekzistojë, sidomos, nëse përpunimi i të dhënave tuaja personale është i nevojshëm për të ndërmarrë hapa para lidhjes së një kontrate ose për të përmbushur një kontratë tashmë të lidhur.
7. Ju keni gjithashtu të drejtën të paraqitni një ankesë tek autoriteti mbikëqyrës kompetent në shtetin e veçantë anëtar ku keni banesën e zakonshme për shkeljen e pretenduar të GDPR-së. Nëse banoni në Hungari, ky është Autoriteti Hungarez për Mbrojtjen e të Dhënave dhe Lirinë e Informacionit (adresa: 1055 Budapest, Falk Miksa utca 9-11., Telefoni: +36-1-391-1400, Telefaksi: +36-1-391-1410, email-i: ügyfelszolgalat@naih.hu)

Ju mund t'i ushtroni të drejtat e përcaktuara në paragrafët e mësipërm duke na kontaktuar në adresën privacy-contact-eu@suzuki.hu.

Kini parasysh se të drejtat e lartpërmendura mund të jenë të kufizuara në kuadër të ligjit të zbatueshëm kombëtar.